"ಎಲ್ಲರಿಗೂ ಒಂದೇ ",

ಬೆನ್ನ ಹಿಂದಿದೆ ಸಾವು.ಕಣ್ಣ ಮುಂದಿದೆ ಬದುಕು ಸಾವು ಬದುಕಿನ ನಡುವೆ ನೆಮ್ಮದಿಯ ಹುಡುಕು ಯಾರು ಬಲ್ಲವರಿಲ್ಲ ಯಾವ ಕ್ಷಣ ಹೇಗೆಂದು ಪ್ರಕೃತಿ ಚಕ್ರದ ನಿಯಮ ಎಲ್ಲರಿಗೂ ಒಂದೇ !!

"ದೇವರ ಇಚ್ಛೆ",

'ಪ್ರಾಣವು, ದೇವರ ಇಚ್ಛೆಯೆಂತೆ ಹೋಗಬೇಕು. ನಿಮ್ಮಿಚ್ಛೆಯಿಂದ ದೇವರಿಗೆ ಕೊಡಬೇಡಿ'.
ಆತ್ಮಹತ್ಯೆ ಮಹಾಪಾಪ!

ಮನಸ್ಸು ಕೇಳಿತು, ನೀನು ಯಾರು ಎಂದು ?

ಮನಸ್ಸು ಕೇಳಿತು, ನೀನು ಯಾರು ಎಂದು ?
ನಾನು ಹೇಳಿದೆ, ಅದು ನಾನೆ ಎಂದು..
ಮನಸ್ಸು ಕೇಳಿತು, ನಾನು ಯಾರು ಎಂದು ?
ನಾನು ಹೇಳಿದೆ, ಅದು ನೀನೆ ಎಂದು..
ಮನಸ್ಸು ಕೇಳಿತು, ನಿನ್ನ ಸ್ನೇಹಿತರು ಯಾರು ಎಂದು ?
ನಾನು ಹೇಳಿದೆ, ಒಳ್ಳೆಯ ಮನಸ್ಸು ಇರುವವರು ಎಂದು..
ಮನಸ್ಸು ಕೇಳಿತು, ನನ್ನ ಸ್ನೇಹ ಮಾಡುತ್ತಿಯ ಎಂದು....
ನಾನು ಹೇಳಿದೆ, ಒಳ್ಳೆಯ ಮನಸ್ಸಿದ್ದರೆ ಸರಿ ಎಂದು....
ಮನಸ್ಸು ಹೇಳಿತು, ಮನಸ್ಸುಗಳ ಮಾತೇ ಮಧುರ....
ನಾನು ಕೇಳಿದೆ, ಆ ಮಧುರವಾದ ಮಾತುಗಳನ್ನು....
ಮಾತನಾಡುವವರು ಯಾರಿದ್ದಾರೆ ಇಲ್ಲಿ ಎಂದು....
ಮನಸ್ಸು ಹೇಳಿತು, ಒಳ್ಳೆಯ ಮನಸ್ಸಿರುವವರು....
ಹುಡುಕಿದರೆ ಖಂಡಿತವಾಗಿಯೂ ಸಿಗುತ್ತಾರೆ ಎಂದು..
ನಾನು ಈಗ ಆ ಒಳ್ಳೆಯ ಮನಸ್ಸಿರುವವರನ್ನು....
ಹುಡುಕುತಿದ್ದೇನೆ. ನಿಮಗೆ ನನ್ನೊಡನೆ ಮತ್ತು....
ನನ್ನ ಮನಸ್ಸಿನೊಡನೆ ಮಾತನಾಡುವ ಮನಸ್ಸು..
ಇದ್ದರೆ ನನ್ನ ಸ್ನೇಹ ಮಾಡಿ. ಮನಸ್ಸಿನ ಮಧುರ..
ಮಾತುಗಳನ್ನು ಮನಸ್ಸಿನಲ್ಲಿಟ್ಟುಕೊಳ್ಳದೆ ನನ್ನೊಡನೆ..
ಮತ್ತು ನನ್ನ ಮನಸ್ಸಿನೊಡನೆ ಮಾತನಾಡಿ. ನನ್ನ ಆ..
ಮಧುರ ಮನಸ್ಸಿನ ಸ್ನೇಹ ಮಾಡಿ. ಮನಸ್ಸನ್ನು ಗೆದ್ದು..
ಮನಸ್ಸಿನಲ್ಲಿ ಮನೆ ಮಾಡಿ ಎಂದು ನಿಮ್ಮ ಮನಸ್ಸನ್ನು..
ಕೇಳುವ ಒಂದು ಒಳ್ಳೆಯ ಮನಸ್ಸಿನ  ನಾನು..


ನನ್ನ ಮನಸ್ಸಿನ್ನ ಸ್ನೇಹ ಮಾಡುವ ಮನಸ್ಸು ಯಾರಿಗಿದೆ ?
ಒಳ್ಳೆಯ ಮನಸ್ಸಿದ್ದರೆ ಸ್ನೇಹ ಮಾಡಿ. ಇಲ್ಲವಾದರೆ ಮರೆತುಬಿಡಿ.
ಮನಸ್ಸಿನೊಡನೆ ಸ್ನೇಹ ಮಾಡಿ .

ಪ್ರೇಮ..

ಪ್ರೇಮ ಯಾವಾಗ ನಿಮಗೆ
ಸನ್ನೆ ಮಾಡಿ ಕರೆಯುವುದೋ ಆಗ
ಅದನ್ನು ಹಿಂಬಾಲಿಸಿರಿ.

ಅದರ ದಾರಿಯು ಕಟಿಣವೂ ಕಡಿದಾಗಿದ್ದರೂ
ಯಾವಾಗ ಅದು
ತನ್ನ ಪಕ್ಕ ಪಸರಿಸುವುದೋ ಆಗ
ಅದರಲ್ಲಿ ಒಂದಾಗಿರಿ ಅದರ ಪಕ್ಕದಲಿ
ಕ್ರೂರವಾದ ಖಡ್ಗ ಅಡಗಿದ್ದು
ಅದು ನಿಮ್ಮನ್ನು ಗಾಯಗೊಳಿಸಬಹುದಾದರೂ
ಅದು ನಿಮ್ಮೊಡನೆ ನುಡಿದಾಗ
ಅದರ ನುಡಿಗಳಲ್ಲಿ ನಂಬಿಕೆ ಇಡಿರಿ.

ಅದರ ದನಿ, ಉತ್ತರದ ಗಾಳಿ
ಉದ್ಯಾನವನ್ನು ಹಾಳು ಗೈಯುವಂತೆ
ನಿಮ್ಮ ಕನಸನ್ನು ಚಿನ್ನ, ವಿಚ್ಚಿನ್ನ ಮಾಡಬಹುದು
ಏಕೆಂದರೆ, ಪ್ರೇಮವು ನಿಮ್ಮನ್ನು
ಪಟ್ಟಕ್ಕೇರಿಸಬಲ್ಲಂತೆ
ಶೂಲಕ್ಕೆರಿಸಲೂ ಬಹುದು.

“ಅದು ನಿಮ್ಮನ್ನು ಎತ್ತರಿಸಬಲ್ಲನಂತೆ
ಕತ್ತರಿಸಲೂ ಬಲ್ಲದು”.
ಪ್ರೇಮವು ನಿಮ್ಮ ಎತ್ತರಕ್ಕೇರಿ
ರವಿಯ ಹೊಂಬೆಳಕಿನಲಿ
ಅಲ್ಲಾಡುತ್ತಿರುವ ನಿಮ್ಮ ಕೋಮಲ
ಕೊಂಬೆಗಳನ್ನು ಮುದ್ದಾಡಿ
ರಮಿಸಬಲ್ಲಂತೆ ಅದು ಕೆಳಗೆ
ಆಳಕ್ಕಿಳಿದು ಬೇರಿನ ಹೊರಗೂ
ತಲುಪಿ, ನೆಲದಲ್ಲಿ ಗಟ್ಟಿ ಮುಟ್ಟಾಗಿ
ಇಳಿದ ಬೇರುಗಳನ್ನು ಅಲುಗಾಡಿಸಿ ಬಿಡಬಲ್ಲದು.

ಧಾನ್ಯದ ಮೆದೆಗಳನ್ನು ಎತ್ತಿಕೊಳ್ಳುವ ಒಕ್ಕಲಿಗಂತೆ
ಅದು ನಿಮ್ಮನ್ನು ತನ್ನ ಎದೆಗೆ ಅವುಚಿಕೊಳ್ಳುವುದು
ಕಾಳುದುರುವಂತೆ ಅದು ನಿಮ್ಮನ್ನು ಒಡೆಯುವುದು
ಒಟ್ಟು ಹಾರುವಂತೆ ನಿಮ್ಮನ್ನು ತೂರುವುದು
ಬೆಳ್ಳಗಾಗುವಂತೆ ಬೀಸುವುದು
ಒಗ್ಗಿ ಬರುವಂತೆ ನಾದುವುದು
ಆ ಬಳಿಕ ತನ್ನ ಅಗ್ನಿಯಲಿ ಬೇಯಿಸಿ,
ಪ್ರಭುವಿನ ಭೋಜನಕ್ಕಾಗಿ ನಿಮ್ಮನ್ನು
ನೈವೇಧ್ಯವಾಗಿಸುವುದು. ಪ್ರೇಮವು
ಇದೆಲ್ಲಾ ಸಂಸ್ಕಾರಗಳನು ನಿಮಗಾಗಿಸಿ
ನೀವು ನಿಮ್ಮ ಹೃದಯ ರಹಸ್ಯಗಳನ್ನು
ತಿಳಿದು ಕೊಳ್ಳುವಂತೆ ಮತ್ತು ಆ ತಿಳಿ
ಬೆಳಕಿನಲ್ಲಿ ಜೀವನದ ಹೃದಯದ
ಅಂಶವೇ ನೀವಾಗುವಂತೆ ಮಾಡುವುದು
ಆದರೆ ನೀವು ಭಯಗೊಂಡು ಕೇವಲ
ಪ್ರೇಮದ ಶಾಂತಿ ಸುಖಗಳನಷ್ಟೇ ಬಯಸುತ್ತಿದ್ದಾರೆ.
ಮರ್ಯಾದೆಯಿಂದ ಮೈಮುಟ್ಟಿಕೊಂಡು ಅದರ ಕಣದಿಂದ ಹೊರಬರುವುದೆ ಒಳಿತು.
ಆಮೇಲೆ ಮನಸೋ ಇಚ್ಛೆಯಾಗಿ ಅಳಬಾರದ ನಗಬಾರದ ಋತು ಹೀನ ಒಳ್ಳೆಯದು
ಲೋಕದಲಿ ಬಂದು ನಿಂದು ನೀವು ನಗಲೂಬಹುದು ಅಳಲೂಬಹುದು
ಪ್ರೇಮವು ತನ್ನನ್ನುಳಿದು ಏನನ್ನು ಈಯದು ತನ್ನನ್ನು ಉಳಿದು ಏನನ್ನು ಕೊಳ್ಳದು
ಪ್ರೇಮವು ಸ್ವಾದೀನ ಮಾಡಿಕೊಳ್ಳದು; ಅಧೀನವೂ ಆಗಲಾರದು ಏಕೆಂದರೆ ಪ್ರೇಮದ
ಪರಿಪೂರ್ಣತೆ ಪ್ರೇಮದಲ್ಲಿಯೇ ಇದೆ. ನೀವು ಪ್ರೇಮ ಪೂರಿತಲಾದಾಗ ದೇವರು
ನನ್ನ ಹೃದಯದಲ್ಲಿದ್ದಾನೆ ಎನ್ನಬಾರದು; ದೇವರ ಹೃದಯದಲ್ಲಿ ನಾನಿದ್ದೇನೆ ಎನ್ನಬೇಕು…

ಸ್ವೇಚ್ಛೆಯಿಂದ ಹಾಗೂ ಆನಂದದಿಂದ
ನೆತ್ತರ ಹರಿಸುವುದು ಗರಿಯೊಡೆದ ಹೃದಯದಿಂದ
ಬೆಳಗಿನಲ್ಲೆದ್ದು ಪ್ರೇಮದ ಇನ್ನೊಂದು ದಿನ
ಬಂದುದ್ದಕ್ಕಾಗಿ ಕೃತಜ್ಞರಾಗುವುದು.
ನಡು ಹಗಲಿನಲಿ ವಿಶ್ರಾಂತಿಗೊಳ್ಳುತ್ತಾ ಪ್ರೇಮದ
ಆನಂದ ಲಹರಿಯಲ್ಲಿ ಧ್ಯಾನ ಮಗ್ನರಾಗುವುದು
ನಲುವಿನಲಿ ತೇಲಾಡುತ್ತಾ ಸಂಜೆಗೆ ಮನೆಗೆ
ಮರಳುವುದು ಆಮೇಲೆ ಜೀವದ ನಲ್ಲೆಗಾಗಿ
ಹೃದಯದಲಿ ಪ್ರಾರ್ಥನೆ ಮಾಡುತ್ತಾ ಅವಳ
ನೆನಪನ್ನು ಗುನುಗುನುನಿಸುತ್ತಾ
ಮಲಗುವುದು.

ನಿನ್ನ ಕಣ್ಣ ಬಗೆಗಿನ ಮಾತು............

ನಿನ್ನ ಕಣ್ಣಲ್ಲಿ ಏನಿಲ್ಲ ಹೇಳು 

ಆಗಾಧ ಸಾಗರವಿದೆ,

ಅದರೊಡಲಿನ ಪುಟ್ಟ ಹಸಿರು ಮೀನಿದೆ

ಮೀನ ರೆಕ್ಕೆಯ ಚಲನವಿದೆ

 

ಭುವಿಯಿಂದ ಬಾನಿಗೆ ಬಾಗಿದ

ಮಳೆಬಿಲ್ಲಿದೆ ನಿನ್ನ ಕಣ್ಣಲಿ,

ಮೋಡದ ಹನಿಮಳೆಯಿದೆ

ಒದ್ದೆ ಮಳೆಯ ಉಸಿರಿದೆ

ಗಿಡದ ಹಸಿರಿದೆ

ಮೊದಲ ಮಳೆಯ ಮಣ್ಣ ಕಂಪಿದೆ 

 

ನನ್ನ ಕನಸಿನ ನಾಳೆಗಳಿವೆ

ನಿನ್ನ ಕಣ್ಣಲಿ,

ನೂರು ಬಾರಿ ಹೇಳಬೇಕೆನಿಸುವ

ನನ್ನದೇ ಭಾಷೆಯ ಎರಡು ಪದಗಳಿವೆ 

ರಭಸದಿ ಹರಿವ ನದಿಯ ಅವಸರವಿದೆ,

ಸಣ್ಣ ತೊರೆಯ ನೀರವತೆಯಿದೆ

ನನ್ನ ನಿರಂತರ ಮಾತಿದೆ

ಎಲ್ಲ ಹೇಳುವ ನಿನ್ನ ಮೌನದ ದನಿಯಿದೆ

 

ನೂರು ಹೂವರಳಿದ ನಗುವಿದೆ

ನಿಂದೆ ಕೈಬಳೆಯ ಘನನವಿದೆ

ನನ್ನ ಉಸಿರು ಹೆಚ್ಚಿದ ಕ್ಷಣಗಳಿವೆ

ನಿನ್ನ ಒದ್ದೆ ಕೂದಲಿನ ಸಡಿಲ ಹಿಡಿತವಿದೆ

 

ನಿಚ್ಚಳ ಆಗಸದಂತ 

ಸೆಳೆವ ನಿನ್ನ ಕಣ್ಣುಗಳಲ್ಲಿ 

ನನ್ನೆದೆಯ ಚಡಪಡಿಕೆಯಿದೆ,

ಅದರೊಳಗಿನ ಕನವರಿಕೆಯಿದೆ

ನಿನ್ನೆಡೆಗೆ ನನ್ನನೆಳೆವ 

ಆ ನಿರಂತರ ಸೆಳಕಿದೆ

ನೀನು ಕಳೆದು ಹೋಗುವ ಭಯವಿಲ್ಲದಿದ್ದರೂ,

ನೀನು ಕಳೆದು ಹೋಗುವ 

ಭಯವಿಲ್ಲದಿದ್ದರೂ,

ನೀನು ನನಗಂಟಿಕೊಂಡೇ ಇರಬೇಕೆಂಬ 

ದುರಾಸೆಯಿಲ್ಲದಿದ್ದರೂ....

ನಿನ್ನ ಮನ ಸೆಳೆಯುವ

ಅಗತ್ಯವಿಲ್ಲದಿದ್ದರೂ,

ಇನ್ಯಾರೋ ನಿನ್ನ ಕದ್ದುಬಿಡಬಹುದೆಂಬ

ಅನುಮಾನವಿಲ್ಲದಿದ್ದರೂ...

ನಿನ್ನೊಡನೆ ಕಳೆದ ಸುಮಧುರ 

ಕ್ಷಣಗಳು ಮರೆತಿಲ್ಲವಾದ್ದರಿಂದ,

ಜೀವನದ ಪ್ರತಿ ಕ್ಷಣವೂ ಮಧುರವಾಗಲೆಂದು 

ಮನ ಬಯಸುತ್ತದಾದ್ದರಿಂದ...

ನೆನೆವ ಪ್ರತಿ ಮಳೆಯಲ್ಲೂ,

ಖುಷಿಯ ಪ್ರತಿ ನಗುವಿನಲ್ಲೂ,

ಕಾಡುವ ಪ್ರತಿ ಏಕಾಂತದಲ್ಲೂ,

ಸಂಭ್ರಮದ ಪ್ರತಿ ಬೆಳಗಿನಲ್ಲೂ, 

ನೀನು ಜೋತೆಗಿರಲೇಬೇಕೆಂದು

ಮನ ಬಯಸಿದರೆ,  ಅದು ತಪ್ಪಾದೀತಾ?

 

ಜನಜಂಗುಳಿಯ ಮಧ್ಯೆ

ನಿನ್ನ ಕೈ ಹಿಡಿದು ನಡೆವಾಗ

ತಕ್ಷಣ ನಿರ್ಮಿತವಾಗಿಬಿಡುವ

ಸುಂದರ ಏಕಾಂತ

ಮತ್ತೆ ಮತ್ತೆ ಬೇಕೆಂದು 

ಮನ ಬಯಸಿದರೆ, ಅದು ದುರಾಸೆಯಾದೀತಾ?

 

ತಪ್ಪಾದರೂ ಸರಿ,

ನನ್ನೊಂದಿಗಿರಲೇಬೇಕು ನೀನು

ನಾ ಬಯಸಿದಾಗೆಲ್ಲ..

ನಿನ್ನೆದೆಯಲ್ಲಿ ಅಡಗಿಕೊಂಡು 

ತಪ್ಪಿಸಿಕೊಳ್ಳಬೇಕು ನಾನು 

ನೀ ನನ್ನ ಹಿಡಿಯಲು ಬಂದಾಗೆಲ್ಲ...

 

ಮನೆ ಹುಡುಕುತ್ತಿದ್ದಾರೆ
ಅವರಿವರ ಕೇಳುತ್ತಿದ್ದಾರೆ
ಈ ಮೊದಲು ನೋಡಿದ್ದಾರೋ
ನೊಡಿದ್ದರೂ ಆಗಿದ್ದ ಮನೆ
ಈಗಲೂ ಹಾಗೇ ಇದೆಯೋ ಗೊತ್ತಿಲ್ಲ


ಜನರೂ ಅಷ್ಟೆ
ತಮಗೆ ತಿಳಿದ ಹಾಗೆ ತೋರಿಸುತ್ತಿದ್ದಾರೆ
ಆಚೆಬದಿಗೆ,
ಓಯ್-ಆ ಮೂಲೆಯಲ್ಲಿ ನೀರಿನ ಟಾಂಕಿಯ ಹಿಂದೆ
ಹೀಗೆ ಎಲ್ಲೆಲ್ಲೊ
ಇವರೂ ಕನಸ ಕಟ್ಟಿ
ಬದುಕ ಹುಡುಕಿದಂತೆ
ಹಂಚಿಲ್ಲದ ಮನೆಯಲ್ಲಿ
ನಕ್ಷತ್ರ ಕಾಣುತ್ತ ಮಲಗಿದವರನ್ನ,
ರೇಲ್ವೆ ಸ್ಟೇಷನ್ನಿನಲ್ಲಿ ನಡುಗುತ್ತ ಮಲಗಿದವರನ್ನ
ಹೊದೆಸಿದ ಮಾಡಿನ ಜೊತೆ ಎಂದೋ
ರಾತ್ರಿ ಕನಸ ಮರೆತವರನ್ನ ಕೇಳುತ್ತಿದ್ದಾರೆ

ಕಟ್ಟಿದ ಮನೆಯೊಳಗೆ ಚಹರೆ ಮರೆತ ಜನರನ್ನ
ಸಾಲು ತೂತಿನ ರಂಗಿನರಮನೆಯ ಬಾದಷಹರನ್ನ
ಸುಖಗಳನು ಮನೆಯೊಳಗೆ ಅಡಗಿಸಿ ಬಚ್ಚಿಟ್ಟವರ
ಪುರಸೊತ್ತು ಕಳೆದುಹೋದ ಯಂತ್ರದಂತ ಮಾನವರನ್ನ
ಮನೆ ತೋರಿಸಿಯಾರೆಂದು ಆಸೆಯಿಂದ ಕೇಳುತ್ತಿದ್ದಾರೆ

ಯಾರದೋ ಭ್ರಮೆಯಂತ ಮನೆಯನೆಲ್ಲ ತಮ್ಮದೇನೊ ಎನ್ನುತ್ತ
ಅವರು ಮನೆ ಹುಡುಕುತ್ತಿದ್ದಾರೆ

ಮೊನ್ನೆಯಷ್ಟೆ ಮುನ್ಸಿಪಲ್‍ನವರು
ಕೆಡವಿದ ಮನೆ ಅದೇ ಆಗಿತ್ತೇ?
ಇಲ್ಲ ಅಂದು ಗಲಭೆಯಲ್ಲಿ ಸುಟ್ಟು
ಹೊಗೆಯಾಡಿ ಕರಕಲಾದ ಮನೆ..

ಎಂದೋ ಉದುರಿದ ಇಟ್ಟಿಗೆ ಚೂರುಗಳಲ್ಲಿ
ಮಣ್ಣಗೋಡೆಗಳಲ್ಲಿ ಅವರ ಮನೆಯಿದ್ದರೆ
ತೋರಿಸಿಬಿಡಿ

ಹಗಲುರಾತ್ರಿಗಳ ಕನಸಿನಲ್ಲಿ
ಎಲ್ಲಾದರೂ ಅವ್ಯಕ್ತದೊಳಗಿನ ವ್ಯಕ್ತದಂತೆ
ನೆನಪಿನ ಚಹರೆಯ ಹಾಗೆ
ಅವರು ಹುಡುಕುತ್ತಿರುವ ಮನೆಯೇನಾದರೂ
ಕಂಡರೆ ಪಾಪ..
ಅವರಿಗೆ ತೋರಿಸಿಬಿಡಿ

ಸಿಕ್ಕಮರ ತಬ್ಬಿ ಬೆಳೆದ ಅವರಿಗೆ
ಪಾಪಿಗಳಿಂದೊಂದಿಷ್ಟು ರಕ್ಷಿಸುವ
ಬೇಲಿಯಂಥ ಮನೆಯೊಂದಿದ್ದರೆ ತೋರಿಸಿಬಿಡಿ
ಪರಸ್ಪರರ ಸುಳ್ಳುಗಳಿಂದ,
ಆಡಿಕೊಳುವ ಬಾಯಿಯಿಂದ ತಪ್ಪಿಸಿಕೊಳ್ಳಲು
ಮನೆಯೊಂದಿದ್ದರೆ ತೋರಿಸಿಬಿಡಿ

ಎಲ್ಲ ಬೆಸೆಯುವ ಸೂತ್ರದ ಹಾಗೆ
ನೀಲಾಕಾಶದಡಿ
ಶಬ್ಧ ನಿಶ್ಯಬ್ಧಗಳಲ್ಲಿಯಾದರೂ
ಅವರಿಗೊಂದು ಮನೆ ಹುಡುಕಿಕೊಡಿ

ಜಾತಿಗಳ ಹಂಗಿಲ್ಲದೆ
ನಾಳೆಗಳಿಗೆ ನಡೆಸುವಂಥ
ಪುಟ್ಟ ಮನೆಯೊಂದಿದ್ದರೆ

ಅವರಿಗೆ ತೋರಿಸಿಬಿಡಿ